Tara! Sama – sama! Kabayan isalba!
Tulong – tulong! Tara! Bago mahuli pa!
Ibukas ang palad! Awa ilawit na!
Sa mga biktima ng bagyong Yolanda!
***
Anak ng Kalikoy! Dito ang Pinoycom,
Di nagagtubili sa pagbigay – tulong!
Naryan ang FCT, kaagad umaksyon!
At ibat iba pang mga asosasyon!
***
Nepu, grupo – grupo, mula sa Square One!
Sa Howard Street! Doon sa St. Jamestown!
Maging Eaton Centre! At dun man sa Jameson!
Higaw ni Cabuyao: “Donasyon! Donasyon!”
***
Umabot ang hiyaw sa kung saan – saan!
Na nagsitugon ating kababayan!
Ala sa kanilang nagbingibingihan!
Si Tom Avendano! Alang hearing aid man!
***
Si Rod Cantiveros , at si Erlie Juatco!
Si Josie de Jesus! Si Ronnie Almero!
Si Jovita Agbong! Amado Castillo!
Si Kon. Ed Sarroca! Mabuhay po kayo!
***
Alahoy! Alahoy! Bangon Pilipinas!
Sabay – sabay tayo, bati: “Merry Christmas!”
Umagang Kay Ganda! Unang Hirit! Galak!
Luha ay pahirin! Tigil sa pag – iyak!
***
Impit man ang ngiti sa mamad na labi!
Kahit na sikmura matindi ang hapdi!
Nakisabay na rin sa mering pagbati!
Kahit na ang ngiti tila nakangiwi!
***
Sila na biktima ng mga trahedya!
Nagkasunud – sunod! Tama na! Tama na!
Kelan matatapos? Parang forever ba?
Pero kasagutan ewan ko, ewan nila?
***
Tunog ng Kampana nang umalingawngaw!
Tinding dalamhati, ano at naibsan!
Halos buong mundo ay nangagsidamay!
TY sa pagtulong! Di malilimutan!
***
Kung bakit trahedya atin ngang sinapit?
Bukod sa nalantad na corruption and greed!
Sey ni Lolo Isko: Bastat “Got to Believe!”
Sagot nakasulat , sa ulap! Sa langit.