BUHAY NILA YAN
Kung ano ang nakikita sa kapaligiran
Maaaring bigyan pansin at pagtuunan
Pero kung buhay ng iba ang pakikialaman
Mas mabuti manahimik ka na lamang
Huwag mo silang kakainggitan
Dahilan upang sila ay siraan
Walang magandang idudulot yan
Nakakasira pa ng samahan
Kapag sa iba ay may nakikita tayo
Agad natin ginagawaan ng kwento
Sasabihin na si ganon si ganito
May ginagawang milagro
Bakit hindi manahimik na lamang?
Buhay ng iba huwag pakialaman
Kung mapariwara sila hindi mo kasalanan
Pinili nila buhay na ganyan
Paano kung ito ay walang katotohanan
Pinagsasabi nyo panay imbento lamang
Hindi nyo alam may pamilya kayong nasasaktan
Kung maaari pagkakalat ay iwasan
Kapag kayo naman pinag uusapan
Sa galit nanggagalaite yan
Kulang na lamang makipagpatayan
Pero ang sariling dumi hindi magawang tingnan
#maritespamore
