PAALALA ni Edwin Esteba
Kung ako man ay nagkamali
Sa paghingi ng tawad hindi mag aatubili
Sa kabutihan mo ako ay may isusukli
Kung kinakailangan tanggapin ko na ako ay mali
Wala naman perpektong tao
Wala naman ipinanganak na santo
Kaya kung nagkamali man ako
Sana ay patawarin mo
Hindi ako mapagtanim ng galit
Oo minsan ang ulo ko ay mainit
Pero pagpapakumbaba ko ay hindi pilit
Sa aking kapwa iniiwasan kong makasakit
Kung tayo ay may pinagsamahan
Aalahanin mo iyong may kagandahan
Huwag kang titingin sa aking kamalian
Isipin mo iyong masasayang nakaraan
Hindi man maibabalik ang dati
Ginawa ko naman kung ano makakabuti
Samahan man natin ay hindi manatili
Diyos na ang bahala at siya ang saksi
********
