Ni Edwin Esteba
Lahat naman tayo ay nag umpisa sa wala
Iniisip nga natin noon paano sa hirap makawala?
Ngunit dahil sa kakayanan natin ay may nagtiwala
Lahat nang ito ay ating nagawa
Mahirap ang mag umpisa ng walang wala
Sa harap ng iba mukha kang kawawa
Karamihan sa kanila pilit kang hinahatak pababa
Hindi matanggap umangat ang kanilang kapwa
Pero dahil sa iyong kakayahan
Lahat ng hirap ay nalampasan
Kahit ang iba ikaw ay pinagyayabangan
Hindi pinansin sa kanila wala kang pakialam
Ngayon ikaw na ay asensado
Sasabihin ng iba ikaw ay nagbago
Sa buhay mo wala namang ambag ang mga ito
Noong wala ka pa natatanggap mo panay insulto
Masaya ka na ngayon sa narating mo
Kayabangan ba kung ito ay ipagmalaki mo?
Hindi ba kayabangan kung manglalait ka ng tao?
Hindi marunong tumanaw ng utang na loob ito
Kahit ano naging estado ng buhay natin
Sa salapi huwag tayong papaalipin
Kung tayo man ay nagbago sa kanilang paningin
Isipin mo na lamang dumaan ito na parang hangin
******************
