Sa content creator na taga canada
Bakit kinikita nyo dito sa pinas ay ikinukumpara?
Oo, dito dolyar ang ating kinikita
Pero pesos ba ang ating ginagasta?
Huwag nang ipagyabang kung malaki ang sweldo mo
Alam naman natin sa bills dito kulang pa ito
Kaya nga karamihan ay nagdodoble ng trabaho
Lalo na iyong mabababa ang sweldo
Hindi naman lahat tayo parehas ng kapalaran
Marami pa rin talaga sa atin ang nahihirapan
Lalo na iyong mga nagsisimula pa lamang
Pero huwag nating tatawanan ang kanilang kakayahan
Hindi natin pwedeng pagkumparahin
Kinikita mo dito at sa pilipinas kung saan ka nanggaling
Dahil magkaibang magkaiba lalo na sa gastusin
Kaya sarili nyo huwag nyo nang stressin
Kung palagi nyong pinagmamalaki kita nyo dito
Upang manonood ng video nyo ay makaengganyo
Nagagawa nyo pang magsinungaling sa ibang tao
Sana lahat tayo ay magpakatotoo
Isa lamang ang masasabi ko
Sa mga content creator dito na akala mo eksperto
Hindi nyo naman nararanasan lahat ng mga content nyo
Maling impormasyon pa pinapakalat nyo