Kapag ikaw ay inaakusahan
Dapat sagutin mo ng harapan
Hindi iyong maninira ka ng talikuran
Mapagtakpan lamang iyong kasalanan
Kung wala ka namang ginagawang masama
Pag aakusa sa iyo dapat mong itama
Hindi iyong akala mo ikaw ay kawawa
Ibang tao ang iyong binabalahura
Kapag hindi mo hinarap ang pag aakusa sa iyo
Patunay na lamang umiiral ang karuwagan mo
Pero kapag nakatalikod na iyong tao
Saka ka naman mag aalburuto
Kung ikaw ay maraming kasalanan
Panlalamang sa kapwa ang dahilan
Dapat lamang na ibunyag iyan
Upang wala nang mabiktima na sinuman
May pagkakataon ka na ipagtanggol ang sarili mo
Upang patunayan na malinis konsensya mo
Dahil ang lahat ng masamang gawiin mo
Karma na ang maniningil sa iyo
