Gamitan
NI Edwin Esteba
Marami tayong nakakasamuha
Minsan sa iyo kumukuha ng simpatya
Kapag nakatalikod ka ikaw ay kinukutya
Sila iyong may mga dalawang mukha
Noong ikaw ay sinisiraan
Sabi niya walang kwentang tao yan
Ganon din naman iyong sinasabi sa kanya
Pero ngayon kayo na ay magkakasama
Kayo kayo ay naglolokohan
Akala nyo lang kayo ay magkakaibigan
Pero ang totoo kayo kayo ay naggagamitan
Sa bandang huli mag aaway din yan
Kung ikaw talaga ay masama ang ugali
Kahit kailan wala kang kaibigang mapipili
Kahit ipagpilitan mo pa ang iyong sarili
Katapatan nila sa iyo hindi mananatili
Kapag nasira na iyong reputasyon
Sa inyo may mali silang impresyon
Mga isip ng iba hindi nyo makokondisyon
Huwag nyo nang palalain ang sitwasyon
Kung ang kathniel ay nasira ang tambalan
Kahit matagal na kanilang pinagsamahan
Kayo pa kaya na nagpaplastikan
Itsapwera ka na rin kapag walang pakinabang
